Գազայի հատվածում ռազմական էսկալացիայի սկզբից ի վեր զոհվել է տարածաշրջանի իրավիճակը լուսաբանող լրատվամիջոցների 49 աշխատակից. հայտնում է իրանական Tasnim գործակալությունը։
Այն կազմում է ռազմական ոլորտ լուսաբանող ակտիվ լրագրողների 4 տոկոսը։
Նախկինում Պաղեստինի լրագրողների միությունը մտահոգություն էր հայտնել Գազայի հատվածում տասնյակ լրագրողների ճակատագրի կապակցությամբ, որոնց հետ կապը խզվել էր։ Կազմակերպությունը նշել է, որ վախենում է իսրայելական զինվորականների կողմից իրենց նկատմամբ հաշվեհարդարից և խնդրել է Կարմիր խաչի միջազգային կոմիտեի և այլ միջազգային կազմակերպությունների աշխատակիցներին միջամտել և պաշտպանություն ապահովել իրենց համար։ ՄԱԿ-ի գլխավոր քարտուղար Անտոնիո Գուտերեշն իր հերթին հայտարարել է, որ «4 շաբաթվա ընթացքում պաղեստինյան անկլավում ավելի շատ լրագրողներ են սպանվել, քան առնվազն վերջին երեք տասնամյակների ընթացքում ցանկացած այլ հակամարտությունում»:
