Եվրոպայի համար շատ կարևոր է, որ խաղաղության համաձայնագիրն ստորագրվի։ Մի քանի շաբաթ առաջ լարվածություններ ի հայտ եկան, մենք զսպվածության կոչ արեցինք, որովհետև խաղաղությանն այսքան մոտ լինելով՝ իսկապես, ողբերգական կլիներ, որ բռնության պատճառով ևս մեկ անգամ հարցականի տակ դրվեր խաղաղությունը, Երևանում հայտարարեց Ֆրանսիայի արտգործնախարար Ժան-Նոել Բարոն։
«Մենք ցանկանում ենք, որ կարողանանք համաձայնության գալ, և համաձայնությունը ստորագրվի։
Ինչ վերաբերում է ՌԴ-ի և Ֆրանսիայի միջև անհամաձայնություններին, նույնիսկ որոշակի թշնամանքին, մենք՝ Ֆրանսիան ու Եվրոպան, պատերազմի մեջ չենք ո՛չ Ռուսաստանի, ո՛չ ռուս ժողովրդի դեմ, սակայն մենք դիմադրում ենք պուտինիզացիային, այսինքն՝ ուժի միջոցով եվրոպական մայրցամաքի վրա սահմանների վերագծմանը։
Մենք դրա դեմ դիմադրում ենք, դա դրսևորվում է Ուկրաինայի սուվերենությանը և տարածքային ամբողջականությանը մեր աջակցությամբ»,- ասաց ֆրանսիացի նախարարը։
