Արցախի հարցը փակված չէ, արցախցու վերադարձի հարցը միջազգային իրավունքի հարց է։ Փախստականների հարցը չի լուծվել, «Մեկ տարի՝ առանց Արցախի» քննարկման ժամանակ այսօր հայտարարեց «Genesis Armenia» վերլուծաբանական կենտրոնի հիմնադիր Աբրահամ Գասպարյանը։
Նա նշեց, որ արցախցիների վերադարձի իրավունքի իրացումը պետք է դառնա ՀՀ ապագա իշխանությունների օրակարգային հարցերից մեկը։
«Արցախի հայրենազրկումից մեկ տարի անցունենք հետևյալ պատկերը. արցախցիների տունդարձի հարցն այսօր դուրս է ՀՀ արտաքին և հումանիտար օրակարգից։ Արցախի հարցը պետք է դառնա քաղաքական խաղի կանոններից մեկը, և մենք պետք է հասնենք նրան, որ Հայաստանում իշխանության ձգտող բոլոր քաղաքական ուժերը հստակ ձևակերպեն արցախցիների տունդարձի հստակ ճանապարհային քարտեզը»,- ասաց բանախոսը։
Աբրահամ Գասպարյանը շեշտեց՝ ՀՀ իշխանությունները պարտավոր են ապահովել Արցախի օրենսդիր, գործադիր և դատական ներկայացուցչական մարմինների գործունեությունը, ֆինանսավորել նրանց, Արցախի ԱԳ ներկայացուցիչներին ներգրավել պատվիրակությունների կազմերում։
