Ղազախստանն ու Ադրբեջանը լիովին ապավինում են սեփական ռեսուրսներին, կախված չեն արտաքին օգնությունից և ինքնուրույն են կերտում իրենց ճակատագիրը, իրենց ապագան. Աստանայում, Ղազախստանի նախագահ Կասիմ-Ժոմարտ Տոկաևի հետ ընդլայնված կազմով հանդիպմանը հայտարարել է Ադրբեջանի նախագահ Իլհամ Ալիևը։
Նա հավելել է. «Կարծում եմ, որ մենք սկզբունքային մոտեցում ենք ցուցաբերում մեր երկրների ազգային շահերը պաշտպանելու հարցում. սա խոսում է նաև մեր ժողովուրդների էության մասին»։
«Ադրբեջանը մեզ համար պարզապես կարևոր և վստահելի գործընկեր չէ, այլ եղբայրական, մերձավոր պետություն։ Հիմնվելով դարավոր բարեկամության և փոխադարձ աջակցության անսասան կապերի վրա՝ մենք կառուցել ենք արդյունավետ միջպետական համագործակցություն»,- հանիպման ժամանակ հայտարարել է Ղազախստանի նախագահ Կասիմ-Ժոմարտ Տոկաևը։
