Տեսանյութ. Եսենտուկիի 200-ամյա Սուրբ Նիկողայոսի փայտե եկեղեցին ամբողջությամբ այրվել է
Եսենտուկիում հրդեհ է բռնկվել Սուրբ Նիկողայոս եկեղեցում, որը համարվում է մշակութային ժառանգություն. հայտնել է Ռուսաստանի Արտակարգ իրավիճակների նախարարության Ստավրոպոլի երկրամասի գլխավոր վարչությունը։
Եկեղեցին կառուցվել է 1826 թվականին ճարտարապետներ Իոսիվ և Յոհան Բեռնարդացի եղբայրների նախագծով։ Այս տարի նշվել է եկեղեցու 200-ամյակը։
Եկեղեցում պահվում է Սուրբ Սերգիուս Ռադոնեժեցու մասունքների մի մասը, ինչպես նաև 1904-1905 թվականների ռուս-ճապոնական և 1877-1878 թվականների ռուս-թուրքական պատերազմներում կռված կազակների անուններով հուշատախտակներ:
Հրդեհը ամբողջությամբ ոչնչացրել է շենքը՝ լափելով 300 քառակուսի մետր տարածք։ Նախնական տվյալներով՝ տուժածներ չկան։
Հրդեհի վայրում աշխատում են Արտակարգ իրավիճակների նախարարության հրշեջ և փրկարարական ստորաբաժանումները։ Հրդեհը մարելու համար աշխատում է 54 անձնակազմ և 14 միավոր տեխնիկա։
Նախնական տեղեկությունների համաձայն՝ հրդեհը բռնկվել է շենքի տանիքում։
Մարզային դատախազությունը հետաքննություն է սկսել:
