Ադրբեջանի ՊՆ-ը այսօր՝ 17։15-ին, հաղորդագորություն է տարածել՝ հերթական կեղծիքն ու զրպարտանքը։
Այն ներկայացնում ենք ստորև.
«Ապրիլի 11-ին հայկական զինված ուժերի ստորաբաժանումները Գորուսի շրջանի Դըղ բնակավայրի ուղղությամբ տեղակայված դիրքերից հրետանային զինատեսակներից ինտենսիվ կրակի են ենթարկել ադրբեջանական բանակի դիրքերը Լաչինի շրջանի ուղղությամբ»։
Նշվում է, որ ադրբեջանական բանակի ստորաբաժանումները ձեռնարկում են համարժեք պատասխան միջոցառումներ։
ՀՀ ՊՆ-ն հայտնում է, որ ադրբեջանական զինուժը Տեղ գյուղի ուղղությամբ կրակ է բացել, ունենք զոհեր և վիրավորներ։
Ինչպես տեսնում ենք, Ադրբեջանի ՊՆ-ը քարոզչական պայքարը սրել է, հակառակ հաղորդագրություն է տարածել ՀՀ ՊՆ-ի տարածած հաղորդագրությունից ընդամենը րոպեներ անց՝ փորձելով անմեղ ձևանել, ավելին՝ իրավիճակն այնպես դասավորել՝ իբր հայկական կողմն է կրակ բացալ։
Հարց. այդ դեպքում ինչո՞ւ հայկական կողմը զոհեր ունի, իսկ ադրբեջանականը՝ ոչ, եթե կրակ բացել է հայկական կողմը։
Ընդ որում՝ թշնամին նաև հրետանի է կիրառել։
