Նախատեսվում է ԱՄՆ-ի և Իրանի պատվիրակությունների միջև վիրտուալ հանդիպում՝ խաղաղության համաձայնագիր ստորագրելու համար. հայտնել է «Ալ Հադաթ» հեռուստաալիքը՝ հղում անելով իր աղբյուրներին։
Հաղորդվում է, որ բանակցություններին կմասնակցեն ԱՄՆ փոխնախագահ Ջ.Դ. Վենսը և Իրանի խորհրդարանի խոսնակ Մոհամմադ Բաղեր Ղալիբաֆը։ Միջնորդները նույնպես կմասնակցեն։
Հեռուստաալիքի տվյալներով՝ կողմերը քննարկում են ապագա խաղաղության համաձայնագրի տեքստը վիրտուալ եղանակով ստորագրելու հարցը։ Բանակցությունների ընթացքում կքննարկվեն նաև Հորմուզի նեղուցով նավագնացության վերականգնման և տարածաշրջանում լարվածության նվազեցման հարցերը։
Սակայն ո՛չ Վաշինգտոնը, ո՛չ էլ Թեհրանը դեռևս պաշտոնապես չեն հաստատել այս տեղեկատվությունը։
Ավելի վաղ իրանցի պաշտոնյաները հայտարարել էին, որ Միացյալ Նահանգների հետ բանակցությունները շարունակվում են՝ միաժամանակ ընդգծելով, որ կողմերի միջև վերջնական համաձայնության դեռևս չի հասել։
