Սահմանադրական եւ Վճռաբեկ դատարանների դատավորներին վճարումների չափը կարող են ավելացնել։ Համապատասխան օրինագիծը հաստատվել է Կառավարության մայիսի 19-ի նիստում։
Օրենքը ներկայացված տեսքով ընդունվելու դեպքում Սահմանադրական դատարանի դատավորները պաշտոնային դրույքաչափի 80 տոկոսի չափով հավելավճար կստանան, իսկ Վճռաբեկ դատարանի դատավորները՝ պաշտոնային դրույքաչափի 50 տոկոսի չափով։
Նման փոփոխության անհրաժեշտությունը Նիկոլ Փաշինյանը բացատրել է այն դատավորներին աջակցելու կարեւորությամբ, որոնք «առաջնորդվում են խղճով եւ համոզմունքներով», ծառայում են Սահմանադրությանը, օրենքին եւ դրանով իսկ՝ ժողովրդին։ «Մենք ցանկանում ենք ունենալ այնպիսի դատական համակարգ, որը կարող է նայել մարդկանց աչքերին, այլ ոչ թե ձեռքերին»,- հավելել է նա։
