Ռուսաստանը հրթիռներ և անօդաչու թռչող սարքեր է արձակել Կիևի և արևմտյան Լվով քաղաքի ուղղությամբ՝ Լեհաստանի հետ սահմանի մոտ, հայտնել են Ուկրաինայի զինված ուժերը։
Լվովի վրա հարձակման հետևանքով 3 մարդ է զոհվել, և առնվազն 19-ը վիրավորվել են։ Վնասվել են բնակելի շենքեր։
ՆԱՏՕ-ի անդամ Լեհաստանը ութ օրվա ընթացքում երրորդ անգամ գործարկել է օդուժը՝ ապահովելու օդային տարածքի անվտանգությունը։
Ռուսաստանը վերջին 10 օրվա ընթացքում հարյուրավոր հրթիռներ և անօդաչու թռչող սարքեր է արձակել Ուկրաինայի վրա, երեկ երկու բալիստիկ հրթիռներով հարվածել կենտրոնական Պոլտավա քաղաքի ռազմական ինստիտուտին, որի հետևանքով զոհվել է 50 մարդ, հարյուրավորները վիրավորվել են:
Ուկրաինայի ռազմաօդային ուժերը հայտնել են, որ երկիրը գտնվում է օդային տագնապի տակ, նաև նախազգուշացումներ են արել Լվովի շրջանի վրա նոր հրթիռային հարձակումների սպառնալիքի մասին։
