ՌԴ ԱԳՆ-ն բացառում է Եվրամիության դերը Ուկրաինայի հետ հարաբերությունների կարգավորման բանակցություններում
Բացառված է Եվրամիության դերը Ուկրաինայի հետ հարաբերությունների կարգավորման բանակցություններում. հայտարարել է ՌԴ արտաքին գործերի փոխնախարար Ալեքսանդր Գրուշկոն։
Գրուշկոն նշել է, որ Էր Ռիադում Ռուսաստանի և ԱՄՆ-ի բանակցությունները նախնական խորհրդակցություններ են, և բանակցությունների նպատակն է որոշել կողմերի առանցքային դիրքորոշումները։
ՌԴ փոխնախարարը հրապարակել է իր երկրի դիրքորոշումը Ուկրաինայում եվրոպացի խաղաղապահների տեղակայման վերաբերյալ։ Նա հայտարարել է, որ Ռուսաստանի Դաշնությունը բացասաբար է վերաբերվում Ուկրաինայում եվրոպացի խաղաղապահների տեղակայմանը։
