Պուտինը և Փաշնյանը հեռախոսազրույց են ունեցել
Նախագահ Վլադիմիր Պուտինը հեռախոսազրույց է ունեցել Հայաստանի վարչապետ Նիկոլ Փաշինյանի հետ, հայտնում է Կրեմլի մամուլի ծառայությունը։
«ՌԴ նախագահ Վլադիմիր Պուտինը հեռախոսազրույցի ընթացքում շնորհավորել է Հայաստանի Հանրապետության վարչապետ Նիկոլ Փաշինյանին ծննդյան օրվա առթիվ», – ասված է հաղորդագրությունում։ Բացի այդ, ՌԴ ղեկավարը շնորհավորական հեռագիր է հղել Փաշինյանին. Դրանում նա ընդգծել է, որ ռուս-հայկական հարաբերությունները հիմնված են բարեկամության և փոխադարձ հարգանքի դարավոր ավանդույթների վրա, և
Մոսկվան հանդես է գալիս դրանց շարունակական հաջող զարգացման օգտին՝ ի շահ երկու երկրների ժողովուրդների։ Պուտինը Հայաստանի վարչապետին մաղթել է նաև առողջություն, երջանկություն, բարեկեցություն և հաջողություններ կառավարության գործունեության մեջ։ ՀՀ կառավարության մամուլի ծառայությունից հայտնում են, որ Փաշինյանը շնորհակալություն է հայտնել Պուտինին շնորհավորանքների, ինչպես նաև
«Ռուսական երկաթուղիներին» մայիսի 25-26-ին Հայաստանի հյուսիսում տեղի ունեցած ջրհեղեղի հետևանքով ավերված երկաթուղու հատվածներն արագ վերականգնելու համար։2008 թվականի փետրվարից Հայաստանի երկաթուղային ենթակառուցվածքը գտնվում է «Հարավկովկասյան երկաթուղի» (Ռուսական երկաթուղիների դուստր ձեռնարկություն) կոնցեսիոն կառավարման ներքո։ Նախօրեին հայտնի դարձավ, որ ռուսական ընկերության մասնագետները սկսել են վերականգնել հանրապետությունում երկաթուղային հաղորդակցությունը, այդ թվում՝ Վրաստանի հետ կապող միակ միջազգային գիծը։
