ՀՀ առողջապահության նախարար Անահիտ Ավանեսյանn այսօրվա մամուլի ասուլիսի ժամանակ հայտարարեց, որ նպատակ կա ՀՀ 3 միլիոն բնակչությանը ներառել առողջության ապահովագրության մեջ, բացի այդ՝ 2028 թվականի հունվարից ավարտել պետական պատվերի ծրագիրը։
Ըստ նախարարի՝ առողջության ապահովագրության ներդրման առաջին փուլը սահուն է ընթացել, մարտահրավերները հաջողությամբ հաղթահարվել են։
«Հայաստանում առողջության համընդհանուր ապահովագրության ներդրման վերաբերյալ դրական պատմությունը տարածվում է։ Առաջին ամիսներին բուժաշխատողների համար այս աշխատելաոճն անսովոր էր, բայց այս պահին աշխատավարձերի մասով բավարար ավելացումներ ունենք, բայց սա մեր երազանքի չա՞փն է. իհարկե ոչ»,- նշեց նա։
Անահիտ Ավանիսյանը նշեց՝ առաջնային օղակում աշխատավարձերը 30-40 տոկոսով աճել են, ծանրաբեռնված գրաֆիկով աշխատող բժիշկների աշխատավարձերն աճել են անգամներով ։
«Պոլիկլինիկական օղակում ունենք մասնագետներ, ովքեր 1 միլիոն դրամից ավելի աշխատավարձ են ստանում»,- նշեց նախարարը։
