Միացյալ Նահանգները և Լիբանանը ճանաչում են Իսրայելի իրավունքը՝ պահպանելու անվտանգության գոտի հարավային Լիբանանի տարածքում. մամուլի ասուլիսի ժամանակ հայտարարել է Իսրայելի վարչապետ Բենիամին Նեթանյահուն. Հայտնում է ՏԱՍՍ-ը։
«Ձեռք բերված համաձայնությունների շրջանակներում Միացյալ Նահանգները և Լիբանանը ճանաչել են Իսրայելի իրավունքը՝ պահպանելու անվտանգության գոտի Լիբանանի ներսում այնքան ժամանակ, որքան անհրաժեշտ է Իսրայելի անվտանգության համար», – ասել է Նեթանյահուն։
Նա հավելել է, որ Իսրայելը «կշարունակի պահպանել անվտանգության գոտին մինչև «Հեզբոլլահը» և այլ ահաբեկչական կազմակերպությունները զինաթափվեն, և Իսրայելի համար Լիբանանից սպառնալիքը վերանա»։
Նա նաև ընդունել է, որ փորձնական նախագծի շրջանակներում Իսրայելը նախատեսում է զորքերը դուրս բերել Լիբանանի հարավում գտնվող երկու տարածքներից՝ մեկը անվտանգության գոտուց դուրս, իսկ մյուսը՝ սահմանին։
«Իսրայելը և Լիբանանը համաձայնության են եկել Դեղին գծի մոտ գտնվող երկու տարածքների վերաբերյալ, որոնք խորհուրդ է տվել Իսրայելի պաշտպանության բանակը, որտեղ կիրականացվի փորձնական ծրագիր՝ «Հեզբոլլահը» վերացնելու և տարածքը լիբանանյան բանակի վերահսկողությանը փոխանցելու համար», – բացատրել է վարչապետը։
