Մեքսիկացին 5 մարդ է սպանել
Ամերիկայի Միացյալ Նահանգների Թեխսաս նահանգի Քլիվլենդ քաղաքում տեղի ունեցած կրակոցների պատճառով հինգ մարդ է մահացել։ Այս մասին գրում է ABC News-ը՝ հղում անելով տեղի ոստիկանության տարածած հաղորդագրությանը։
Լրատվականի փոխանցմամբ՝ 4-ը տեղում են մահացել, 5-րդը՝ հիվանդանոցում։ Զոհերից ամենափոքրը 8 տարեկան է եղել։
Ոստիկանները սպանություն կատարելու մեջ մեքսիկացի տղամարդու են կասկածում։ «Հայտնի է, որ մեքսիկացին ատրճանակի ամբողջ պարունակությունը դատարկել է, դա է վկայում դեպքի վայրում թափված պարկուճների քանակը»,- հայտնել են ոստիկանությունից։
Նախնական տվյալներով՝ մարդասպանն ալկոհոլի ազդեցության տակ է եղել։
Ս․Վ․
