Այդ մասին մայիսի 21-ի համարում տեղեկացնում է Կ. Պոլսո “Հայ-Թերթ” կայքէջը, հիմք ընդունելով “Ermeni Haber” գործակալության հրապարակումը: Ահա թե ինչ է գրում այնտեղ. “Խորհրդարանական Լուկաս Ֆուրլասը Եվրոպական խորհրդարանի ամբիոնից հայ ժողովրդին սատար կանգնելու և ռազմագերիներին ազատ արձակելու համար Ադրբեջանի վրա ճնշում գործադրելու կոչ է արել խորհրդարանին: Նա ելույթ է ունեցել Ղարաբաղյան վերջին պատերազմում գերի վերցված Հայաստանի քաղաքացիներին նվրված նիստում, հիշեցնելով ներկաներին, որ մինչ անօթաչուներով հայերին սպանող Ալիևն ու Էրդողանը, այդ թվում խաղաղ քաղաքացիներին, հրճվում էին իրենց կատարած հացագործության համար, Եվրոպան միանգամայն անտարբեր գտնվեց ևհանդես եկավ դիտորդի դերում:
Այնուհետև ավելացրեց խորհրդարանական Ֆուրլասը. “Առայսօր, պատերազմից ամիսներ անց բազմաթիվ հայեր շարունակում են գերության մեջ մնալ Ալիևի մոտ: Ադրբեջանը հրաժարվում է հանձնել նրանց: Պետք չէ սպսել, որ Ալիևը ազատի գերիներին, արդեն չի հանձնելու, ոչ էլ կհանձնի, եթե մենք չստիպենք նրան: Եկեք Եվրոպայի արժանապատվությունը փրկելու համար սատար կանգնենք հայ ժողովրդին:Կոչ անենք, որպեսզի հայերը վերադառնան իրենց իրենց հարազատ օջախը: Մենք բոլորս հայ ենք”
Ինչպես հայտնի է, Ադրբեջանի սադրանքով 2020 թ. սեպտեմբերի 27-ին սկսած և Թուրքիայի անվերապահ աջակցությամբ ծավալված ղարաբաղյան պատերազմի ընթացքում և հետո ադրբեջանցի զինվորները գերի էին վերցրել մի քանի հարյուրի հասնող հայ զինվորի և խաղաղ քաղաքացու: Առայսօր, երբ հրադադարի հաստատումից ամիսներ են անցել, բայց հարյուրավոր հայ գերիներ կան Ադրբեջանում, որոնցից 19-ին ադրբեջանցի զինվորները դաժանաբար սպանել են”:
