Խելացի մատանի՝ «Samsung»-ից
Հարավկորեական «Samsung» ընկերությունը ցուցադրել է «Galaxy Ring» խելացի մատանին։ Շնորհանդեսը տեղի է ունեցել Բարսելոնայում անցկացվող «Mobile World Congress 2024» միջոցառման ժամանակ։
«Samsung»-ի փոխնախագահ Հոնգ Պակի խոսքով՝ գաջեթը հագեցած է մի շարք սենսորներով, որ վերահսկում են քնի որակը, գրանցում են անոթազարկեր, արյան մեջ թթվածնի հագեցվածության մակարդակը եւ այն կրողի ակտիվությունը: Ընկերության պաշտոնական կայքից տեղեկանում ենք, որ զարդ-սարքն առանձին էկրան չունի, այն հավաքագրած ամբողջ տեղեկությունը կարող է փոխանցել եւ ցուցադրել իրեն «կցած» սմարթֆոնի էկրանին։
«Galaxy Ring» խելացի մատանին շուկայում կհայտնվի մի քանի չափսերով՝ S մինչեւ XL։ Այն կարտադրվի երեք գույնով՝ պլատինե արծաթագույն, կերամիկական սեւ ու ոսկեգույն: «Samsung»-ի մասնագետները պնդում են՝ եթե մատանու մարտկոցն ամբողջությամբ լիցաքվորվի, կարող է ընդհուպ մի քանի օր ծառայել այն կրողին։
Ինչքա՞ն կարժենա խելացի մատանին․ «Samsung»-ը հարցի պատասխանը, ըստ երեւույթին, կտա առաջիկայում անցկացվելիկ «Galaxy Unpacked» միջոցառման ժամանակ։ Այս պահին հայտնի է միայն, որ «Galaxy Ring»-ը վաճառքի կհանվի 2024-ի հուլիսին։
Ս․Վ․
