Հորմուզի նեղուցը կարող է փակվել և բացվել միայն Իրանի հրամանով. Քազեմ Ղարիբ-Աբադի

Իրավական և միջազգային հարցերով փոխարտգործնախարար Քազեմ Ղարիբ-Աբադին, մեկնաբանելով Դոնալդ Թրամփի` Հորմուզի նեղուցի վերաբերյալ համարձակ հայտարարությունները, նշել է, որ նեղուցը կարող է փակվել և բացվել միայն Իրանի հրամանով և չի կարող յուրացվել թվիթով, ավիակիրով, հրամանագրով կամ նախընտրական ելույթով։

«Թրամփն ասաց, որ Իրանի պարտությունից հետո շուտով Հորմուզի նեղուցը կհայտարարի ԱՄՆ տարածք։ Հորմուզի նեղուցը չի կարող գրավվել թվիթով, ավիակիրով, գործադիր հրամանագրով կամ նախընտրական ելույթով։ Իրանը չի վախենում սպառնալիքներից և չի վախենա ուժի ցուցադրումից», – գրել է նա այսօր վաղ առավոտյան X-ում տեղադրված հաղորդագրության մեջ։

Մեկ այլ ուղերձում Ղարիբ-Աբադին ընդգծել է, որ Հորմուզի նեղուցը եղել է, կա և կմնա իրանական, և որ այն կբացվի ու կփակվի միայն Իրանի հրամանով։

«Մեկընդմիշտ ընդունեք իրականությունը. մինչ այս պահը դուք կրել եք ռազմավարական լուրջ պարտություններ: Հորմուզի նեղուցը եղել է, կա և կմնա իրանական: Այս նեղուցը կարող է փակվել կամ վերաբացվել միայն Իրանի հրամանով, և մինչև դուք չընդունեք պարտության իրականությունը և չդադարեք պատրանքներին տրվել, Իրանը կշարունակի շրջափակումը», – ասվում է նրա գրառման մեջ:

ԱՄՆ նախագահ Դոնալդ Թրամփը հայտարարել է, որ շուտով կարող է Հորմուզի նեղուցը հայտարարել «ԱՄՆ տարածք»։