ՀՀ սուվերենությունը քննարկելի չէ, պետական սահմանները՝ նույնպես. Հայկ Մամիջանյան
ՀՀ սուվերենությունը քննարկելի չէ, պետական սահմանները՝ նույնպես, ԱԺ ճեպազրույցների ժամին հայտարարեց «Պատիվ ունեմ» խմբակցության ղեկավար Հայկ Մամիջանյանը՝ պատասխանելով այն հարցի, թե ճանապարհների բացման պարագայում ո՞վ պետք է ապահովի միջանցքի անվտանգությունը՝ Հայաստանը, թե Ռուսաստանը։
«Այդ հարցը ինձ չպետք է տաք, այլ այն մարդուն, ով այդ թուղթը ստորագրել է։ Ես չեմ ասում, թե այնտեղ ինչ է այնտեղ գրած, ասում եմ գրելուց և ստորագրելուց առաջ անհրաժեշտ է այն կարդալ։ Վատ սովորություն է երկրի փաստացի ղեկավարի համար՝ ինչ դեմ են տալիս, ստորագրում է։ Այդ գործընթացը պետք է ֆիքսվեր այն տրամաբանությամբ, որը քննելի չէր լինի»,-նշեց պատգամավորը։
Մամիջանյանը նշեց, որ այն հայտարարությունները, թե ՀՀ անվտանգությունը տալու են ինչ-որ մասնավոր պահնորդական կազմակերպության, դա ինքը չի հասկանում։
