Ադրբեջանի փոխվարչապետ, Հայաստանի և Ադրբեջանի միջև սահմանազատման հանձնաժողովի ադրբեջանական կողմից նախագահ Շահին Մուստաֆաևը հանդիպել է Իրանի նախագահ Մասուդ Փեզեշքիանի հետ։
Ըստ ադրբեջանական ԶԼՄ-ների՝ կողմերը քննարկել են երկրների միջև հարաբերությունների ներկա վիճակն ու զարգացման հեռանկարները, անդրադարձել են տնտեսության, տրանսպորտի, էներգետիկայի, առևտրի, ներդրումների և հումանիտար ոլորտներում համագործակցության հետագա ընդլայնմանը, խոսել համատեղ ծրագրերի մասին:
Ինչպես հաղորդվում է՝ հանդիպմանը մտքեր են փոխանակվել նաև տարածաշրջանային և փոխադարձ հետաքրքրություն ներկայացնող այլ հարցերի շուրջ:
