Հեթումյանների իշխանական տոհմը և արքայական հարստությունը Կիլիկիայի հայկական իշխանության և թագավորության կարևորագույն տոհմերից էր և տվել է մեզ մի շարք հայտնի ներկայացուցիչների, առանց որոնց անհնար կլիներ պատկերացնել Կիլիկիայի պատմությունը:
Հեթումյանների իշխանության հիմնադիրը՝ Հեթումի որդի Օշին Ա-ն, խույս տալով սելջուկների հալածանքներից, 1073 թվականին իր ազգատոհմով Կիլիկիա է տեղափոխվում Ուտիք աշխարհի Մայրյաց ջուրք ավանից (Գանձակ քաղաքի մոտակայք):
Կիլիկիայում իշխող Աբլղարիբ Արծրունին Օշինին կնության է տալիս իր դստերը և պարգևում Լամբրոնի բերդը՝ շրջակա հողերով ու գյուղերով հանդերձ, որտեղ նրա հաջորդները, գործակցելով Բյուզանդական կայսրությանը, ժառանգաբար իշխում են մինչև 13-րդ դարի սկիզբ:
Հեթումյանների արքայական գահացանկը.
- Հեթում Ա (1226-1269)
- Լևոն Բ (1269-1289)
- Հեթում Բ (1289-1293, 1295-1296, 1299-1301)
- Թորոս Ա (1293-1294)
- Սմբատ Ա (1296-1298)
- Կոստանդին Ա (1298-1299)
- Լևոն Գ (1301-1307)
- Օշին Ա (1307-1320)
- Լևոն Ե (1320-1342)
- Կոնստանդին Գ (1344-1362)
- Կոստանդին Դ (1362-1373)
📷 CILICIA: The Land of Lions
