Հայտարարագրման շուրջ բացասական աղմուկը հակառակ էֆեկտն է ունեցել. Գևորգ Պապոյան
Եկամուտների հայտարարագրման շուրջ բացասական աղմուկը հակառակ էֆեկտ է ունեցել, այսօր լրագրողների հետ զրույցում հայտարարեց Հայաստանի էկոնոմիկայի նախարար Գևորգ Պապոյանը։
Նախարարի խոսքով՝ նրանք, ովքեր թաքցնելու բան չունեն, գոհ են դրանից։ Ըստ Պապոյանի՝ աղմուկի արդյունքում մեկ ամսում արդեն ավելի քան 4 հազար մարդ հայտարարագիր է ներկայացրել, իսկ գրեթե յուրաքանչյուրը հետ է ստացել 100 հազար դրամ, մինչդեռ անցած տարի Հայաստանի ընդամենը 3 500-ից ավելի քաղաքացիներ են հայտարարագիր ներկայացրել։
Նախարարը շեշտեց, որ այդ գործիքը թույլ է տալիս քաղաքացիներին ստանալ մոտ 70 մլրդ դրամ, այնինչ ընդդիմությունը դա ներկայացնում է որպես հարկման միջոց։
«Մեզ չի հաջողվել բոլորին հասցնել, որ եթե թաքցնելու բան չունես և հայտարարագիր ես ներկայացնում, դա ընդամենն օգտակար բան է»,- ընդգծել է նախարարը։
