ԶԼՄ-ները հայտնում են Ռուսաստանի նկատմամբ Թրամփի մարտավարության փոփոխության մասին

ԱՄՆ նախագահ Դոնալդ Թրամփը ագրեսիվ դիրքորոշում է որդեգրել Ռուսաստանի նկատմամբ, գրում է Asia Times-ը։

Հոդվածում նշվում է, որ շատ վերլուծաբանների նախնական ենթադրություններն այն մասին, որ Թրամփը, գալով իշխանության, կսկսի կապեր հաստատել ՌԴ նախագահի հետ, չիրականացան։

«Նախագահի պաշտոնը ստանձնելուց ի վեր Թրամփն ուժեղացրել է իր հռետորաբանությունը Ռուսաստանի նկատմամբ։ Նախ՝ նա Պուտինին սպառնաց լրացուցիչ տնտեսական պատժամիջոցներով։ Երկրորդ՝ նա ասել է, որ կցանկանար, որ OPEC-ը (Նավթ արտահանող երկրների կազմակերպություն) մեծացներ նավթի արդյունահանումը»,- ասվում է հրապարակման մեջ։

ԶԼՄ-ն գրում է, որ Թրամփն իսկապես ցանկանում է վերջ տալ ուկրաինական հակամարտությանը, սակայն աստիճանաբար փոխում է իր պայմանները, քանի որ, իբր, տեսնում է Ռուսաստանի վրա ճնշում գործադրելու ներուժ։

Նախօրեին NBC-ն նշել էր, որ Սպիտակ տանը պառակտում է առաջացել Ուկրաինայի հակամարտության կարգավորման շուրջ։ Այսպիսով, Ուկրաինայի հարցով Թրամփի հատուկ բանագնաց Քիթ Քելլոգը և ազգային անվտանգության հարցերով խորհրդական Մայք Ուոլցը ցանկանում են ճնշում գործադրել Ռուսաստանի վրա։ Մյուսները, սակայն, հանդես են գալիս Ուկրաինային տրամադրվող օգնության կրճատման օգտին:

Այս շաբաթ Թրամփը ասաց, որ հույս ունի գործարք կնքել Կիևի հետ. ուկրաինական իշխանությունները երաշխավորելու են հազվագյուտ հողային մետաղների մատակարարումները՝ ԱՄՆ-ից ֆինանսական և ռազմական օգնության դիմաց:

Ռուսաստանի նախագահի մամուլի քարտուղար Դմիտրի Պեսկովը նշել է, որ ուկրաինական հազվագյուտ հողային մետաղների վերաբերյալ Թրամփի ծրագրերը կոմերցիոն առաջարկ են։ Միևնույն ժամանակ, Վաշինգտոնի համար լավագույնը կլինի ընդհանրապես չօգնել Կիևին և դրանով իսկ նպաստել հակամարտության ավարտին, հավելել է նա։