«Հետաքննության նախնական արդյունքները ցույց են տալիս, որ հարձակումը մանրակրկիտ ծրագրված և նախապատրաստված է եղել։ Հարձակման հետևանքով 139 մարդ է զոհվել»,- հայտնել է ՌԴ Քննչական կոմիտեի նախագահ Ալեքսանդր Բաստրիկինը ՌԴ նախագահ Վլադիմիր Պուտինին, փոխանցում է «ՌԻԱ նովոստին»:
Բաստրիկինը ասել է, որ մարտի 22-ին «Կրոկուս Սիթի հոլ»-ում տեղի ունեցած ահաբեկչության հետևանքով մահացել է 40 մարդ, իսկ կրակից՝ 45 մարդ։ 182 մարդ ստացել է տարբեր ծանրության վնասվածքներ:
«Ահաբեկիչները «Կրոկուս Սիթի հոլ» ժամանել են ժամը 19:58-ին և շենքից դուրս են եկել 20:11-ին: Նրանց մոտ հայտնաբերվել են երկու ԱԿ-74, ավելի քան 500 փամփուշտ, 28 պահունակ և բենզինի մնացորդներով շշեր»,- հավելել է Ալեքսանդր Բաստրիկինը։
ՌԴ Քննչական կոմիտեի նախագահ Ալեքսանդր Բաստրիկինը նշել է, որ ահաբեկչության հետ կապված ավելի քան 200 խուզարկություն ու առգրավում է իրականացվել, առգրավվել են հետաքննությանն առնչվող իրեր։
