Կիպրոսը հանձնառու է խթանել Հայոց ցեղասպանության միջազգային ճանաչումը․ Կիպրոսի նախագահի գրասենյակ

Կիպրոսի նախագահի գրասենյակն անդրադարձել է Հայոց ցեղասպանության 110-րդ տարելիցին՝ նշելով, որ Հանրապետությունն իր հարգանքն և համերաշխությունն է հայտնում հայ ժողովրդին և հանձնառու է խթանել Հայոց ցեղասպանության միջազգային ճանաչումը։

«Արմենպրես»-ի հաղորդմամբ՝ այս մասին ասված է Կիպրոսի նախագահի գրասենյակի X-ի պաշտոնական միկրոբլոգում արված գրառման մեջ։ 

Ημέρα Μνήμης της Γενοκτονίας των Αρμενίων, 24 Απριλίου

Τιμούμε τη μνήμη των 1,5 εκατομμυρίων Αρμενίων που εξοντώθηκαν συστηματικά, σε μία από τις πιο τραγικές σελίδες της σύγχρονης ιστορίας.

Η Κυπριακή Δημοκρατία στέκεται με σεβασμό και αλληλεγγύη δίπλα στον αρμενικό λαό,… pic.twitter.com/4KkjCgdWaW

— Προεδρία της ΚΔ (@CYpresidency) April 24, 2025

«Մենք հարգանքի տուրք ենք մատուցում 1.5 միլիոն հայերի հիշատակին, որոնք համակարգված կերպով ոչնչացվեցին ժամանակակից պատմության ամենաողբերգական էջերից մեկի ժամանակ։ 

Կիպրոսի Հանրապետությունն իր հարգանքը և համերաշխությունն է հայտնում հայ ժողովրդին՝ հիշեցնելով, որ պատմական հիշողության պահպանումը և ճշմարտության ճանաչումը յուրաքանչյուր հասարակության բարոյական պարտականությունն է, որը հարգում է մարդու իրավունքները և արդարադատության հիմնարար արժեքները։ 

Որպես անարդարություն և միջազգային իրավունքի խախտում ապրած երկիր՝ մենք վերահաստատում ենք մեր անսասան հանձնառությունը՝ խթանելու Հայոց ցեղասպանության միջազգային ճանաչումը։ Հիշողությունը մնում է կենդանի»,-նշված է գրառման մեջ։ 

Հայոց ցեղասպանության տարելիցի կապակցությամբ X-ի իր միկրոբլոգում գրառում է արել նաև Կիպրոսի արտաքին գործերի նախարար Կոնստանտինոս Կոմբոսը։ 

On #ArmenianGenocide Remembrance Day, we remember the victims and acknowledge the enduring pain of a crime against humanity.

In defending truth and justice, we uphold the promise: #NeverAgain. pic.twitter.com/uxb2VIrYdv

— Constantinos Kombos (@ckombos) April 24, 2025

Հայոց ցեղասպանության հիշատակի օրը մենք հիշում ենք զոհերին և ճանաչում  մարդկության դեմ կատարված հանցագործության չդադարող ցավը։ Պաշտպանելով ճշմարտությունն ու արդարությունը՝ մենք պահպանում ենք «այլևս երբեք» խոստումը»,- գրել է նախարարը։

Ցեղասպանության տարելիցի կապակցությամբ Կիպրոսի ԱԳՆ-ի X-ի միկրոբլոգում արված գրառման  մեջ էլ ասված է.

On #ArmenianGenocide Remembrance Day, we honour the memory of the victims and stand in solidarity with all those who carry their legacy.

We reaffirm our collective duty: #NeverAgain. pic.twitter.com/8qCmBG1OrI

— Cyprus MFA (@CyprusMFA) April 24, 2025

«Հայոց ցեղասպանության հիշատակի օրը մենք հարգում ենք զոհերի հիշատակը և համերաշխություն ենք հայտնում բոլորին, որոնք կրում են նրանց ժառանգությունը։ Մենք վերահաստատում ենք մեր համատեղ պարտականությունը՝ «այլևս երբեք»»։