2023 թվականի հունվարի 19-ին, Գեղարքունիքի մարզի Ազատ գյուղի կացարանում ինժեներասակրավորական վաշտի 15 զինվոր սպանվեց։ Այրվեցի՞ն, ծխից խեղդվեցի՞ն, մինչ կացարանի դուռը փակվելն արդեն սպանվա՞ծ էին, թշնամի՞ն դավադրաբար սպանեց, թե՞ յուրայինը նույնքան դավադրաբար սպանեց. 2 տարի անց չի բացահայտվել ոչինչ։
15 սպանված զինվորների ծնողները 2 տարի հազար դուռ են թակում, դատական նիստերի են մասնակցում, լսում են «վկաների ցուցմունքները». մեղավորները պատժված չեն, անգամ նրանց անունները հայտնի չեն։
Քպ վարչախմբի ու նրա պարագլխի ղեկավարած Հայաստանի Հանրապետությունում ծածկադմփոց են արվում հանցագործություն պարունակող բոլոր գործերը, դատաիրավական համակարգը ենթարկվում է մեկին, որը հայտարարել է՝ կա՞ արդյոք մի դատավոր, որ ինձ չենթարկվի։
