Եվ այսպես, տարածաշրջանը մոլեգնում է անսպասելիությունից, Փաշինյանը «ձեթով պեռաշկի» է ուտում, կարծելով որ դա կգրավի իր ընտրողի սիրտը, ՔՊ ականները ավելի արագ ու հաճախ են խոսում «խաղաղությունից» որի նույնիսկ նշույլն արդեն իրատեսական չէ այս իշխանության հետ և ՔՊ հրապարակում է ինչ-որ անհայտ ծագումնաբանության հարցման արդյունքներ, որտեղ հատուկ ու խոշոր տառերով գրված է, որ Փաշինյանը մեր նորօրյա Նելսոն Մանդելան է…
Իմ մոտ այնպիսի տպավորություն է, որ վերջին շրջանում Փաշինյանը ստեր է հորինում որ ինքն էլ դրանց հավատա։ Եկեք ուղղակի սկսենք սկզբից, հերթով ցուցադրելով Քպ-ական փուչիկների պայթյունը՝
ՓՈւՉԻԿ №1 – TRIPP, կամ ինչպես ամպագորգոռ ասում են ՔՊ-ականները՝ «Թրամփի ուղի՝ հանուն միջազգային խաղաղության և բարգավաճման…»։ Ինչպես նշում են Փաշինյանի կողմից համացանց նետված թեզերը՝ «…այն ամրապնդում է ԱՄՆ տնտեսական և ռազմավարական կապերը տարածաշրջանում՝ միաժամանակ անտեսելով ԵԱՀԿ Մինսկի խումբը (Ռուսաստանի գլխավորած միջնորդական մարմին, որը պաշտոնապես փակվել է 2025 թվականի սեպտեմբերի 1-ին)։ Դրանով ԱՄՆ-ն փոխարինում է Ռուսաստանին որպես տարածաշրջանում գլխավոր միջնորդ»։ Չմոռանանք, որ TRIPP-ը անցնում է հենց Իրանի սահմանով, ում հետ վերջերս պատերազմ սկսեց ԱՄՆ-ը հույսով, որ օրերի ընթացքում կավարտվի, սակայն այն վերածվեց լայնամասշտաբ ու երակարատև ռազմական հակամարտության, որից, ըստ «Իսրայելի ձայնը» լրատվականի, այսօր արդեն զերծ չեն կարողանում մնալ այնպիսի երկրներ, ինչպիսիք են Միացյալ Արաբական Էմիրությունները (հիշենք, որ անվտանգության առումով աշխարհի թոփ երկրներից մեկն է), Թուրքիան, Ադրբեջանը, Քուվեյթը, Քաթարը, Հորդանանը, Սաուդյան Արաբիան, Օմանը, Իրաքը, Բահրեյնը, Կիպրոսը և Իսրայելը։
Հատուկ այն միամիտների համար, ովքեր տարված էին Թրամպով և TRIPP-ով հայտնեմ, որ մեծ հավանականությամբ, այս պրոեկտը այս ֆորմատով երբևէ իրականություն չի դառնա, ու դա Հայաստանի ու Սյունիքի համար լավագույն տարբերակն է, այլապես… Եկեք իրատեսական լինենք, իսկ եթե կան մարդիկ, ով դեռևս կարծում է, որ ԱՄՆ միջոցներով Իրանի սահմանին ինչ-որ բան հնարավոր է կառուցել, կարծում եմ լուրջ հոգեկան խնդիրներ ունեն…
ՓՈւՉԻԿ №2 – ԽԱՂԱՂՈւԹՅՈւՆ, կամ «Աշխարհի թիվ 1 գերտերությունն ասում է՝ ՀՀ-ն 99 տարի գոյություն է ունենալու, լինելու է խաղաղ…»։ Սա կրկին Փաշինյանի փչած փուչիկն է, որն ակնհայտ չի դիմանում այսօրվա իրականության փաստարկումներին ի դեմս Քուվեյթում կամ աշխարհի ամենաանվտանգ երկի՝ Միացյալ Արաբական Էմիրաթներում տեղի ունեցածին։ Եվ եթե կան մարդիկ, ում համոզված կարծիքով վաղը Փաշինյանը իր կրծքով կփակի օդը և թույլ չի տա, որ մենք ներքաշվենք այս սարսափելի իրականության մեջ, կրկին կարծում եմ լուրջ հոգեկան խնդիրներ ունեն, ու լավ կլինի զբաղվեն իրենց հոգեկան առողջությամբ։ Մանավանդ, որ մի փոքր եթե մտածեին, ապա կհասկանային, որ «ձեթով պեռաշկի» (ես շատ լավ գիտեմ, որ հայերեն կարկանդակ է, բայց համոզվածություն ունեմ, որ այն ինչ ուտում էր Փաշինյանը՝ «պեռաշկի» էր) ուտելու տեսանյութը բեմադրված էր այլ ոչ պատահական և Փաշինյանը, միկրոֆոնը վրան ամրացված օրերս շրջաններում ուղղակի շոու է ապահովում, ինչի արդյունքում, համեմատականներ անցկացնելով վստահ կարելի է ասել, որ Հակ Մարությանը նրանից շատ բան ունի սովորելու։ Մի խոսքով այսօր, Փաշինյանը ստանալով Վարչապետի աշխատավարձ և զբաղեցնելով ՀՀ Վարչապետի աթոռը, կրկեսի հասարակ ծաղրածուի գործընթացներ է իրականացնում, ընդ որում ինքն էլ նախօրոք ստուգելով շոուի տեսանյութերն ու հրապարակման հավանություն տալով։
ՓՈւՉԻԿ №3 – ՎԻՃԱԿԱԳՐԱԿԱՆ ՀԱՐՑՈւՄՆԵՐ, կամ ինչպես ես ընկալեցի՝ ԱՄՆ ագիտացիոն օգնություն խորտակվող փաշինյանական իշխանությանը։ Եկեք անկեղծ լինենք, այո վաղուց արդեն Փաշինյանական հասարակարգը, մեղմ ասած չի վայելու ժողովրդի վստահությունը, ասեմ ավելին, Փաշինյանը, նույնիսկ իր ընտանիքի անդամների վստահությունը չի վայելում ուր մնաց 8 տարվա ընթացքում կեղեքված, հազարավոր զոհեր տված, անտուն ու անհող մնացած Հայ ժողովրդի վստահությունը վայելի ում այս 8 տարի է ասֆալտով էր խաբում, այն էլ այս գարուն այդ ասֆալտն էլ հալվեց ու չքացավ, այնպես, ինչպես ինքն է չքանալու 2026 թվականի հունիսի 8-ի առավոտյան՝ փախչելով, թաքնվելով, խուսափելով արդարադատությունից։
Այսօր անդրադարձել եմ օրակարգային ԵՐԵՔ ՔՊ ՓՈւՉԻԿՆԵՐԻՆ, որը նրանք փչել են, իրենց ընտրողի համար։ Իրականում փուչիկները շատ-շատ են և հաջորդիվ իհարկե անդրադառնալու եմ ՔՊ-ի իմ կարծիքով ծաղրածուների փչած անթիվ ու անհամար մնացած փուչիկներին ըստ անհրաժեշտության։
Հիմա հարց՝ Այո ՔՊ լսարանը որից էլ ստեղծվում է ՔՊ վարկանիշը ձևավորվում է հենց նրանցով, ովքեր անկեղծորեն հավատում են այն փուչիկներին որը փչում է Փաշինյանը իր համախոհներին է հորդորելով, որ համացանցում տպավորություններ ստեղծեն, սակայն արդյո՞ք այս ազգի այդքան մեծ զանգված՝ 24% ունեն հոգեկան խնդիրներ և հավատում են, որ Իրանը ռմբակոծելով Միացյալ Արաբական Էմիրությունները թույլ է տալու իր քթի տակ ԱՄՆ-ին TRIPP կառուցել և որ ՀՀ-ն այնքան խաղաղ երկիր է, որ շուրջ բոլորը մոբիլիզացվել են, իսկ մենք պետք է «պեռաշկի աղանք»։ Թե՞ այս թիվը նկարվել է, քանի որ ըստ, Միջազգային Առողջապահական Կազմակերպության, ամենատարբեր հոգեկան խնդիրներ ունեցող մարդիկ միջինացված կազմում են մարդկության 10%-ը և քիչ… Ընդ որում դրանցից էլ ոչ բոլորն են այն աստիճանի ոչ ադեկվատ, որ հավատան փաշինյանական ստերին։
P.S.
Որպես ամփոփում՝ ուզում եմ հայտնել ՀՀ հանրությանը, որ Նիկոլ Փաշինյանի վարկանիշը չի իջնի 10%-ից, քանզի ըստ Միջազգային Առողջապահական Կազմակերպության՝ ամենատարբեր հոգեկան խնդիրներ ունեցող մարդիկ կազմում են մարդկության 10%-ը…
Միհրդատ Մադաթյան, հոգեբան
