Մեզ պետք է համահայկական զորաշարժ, մեզ պետք է, որ մեր առաջ քաշած օրակարգը հանրային լայն աջակցություն ստանա Հայաստանում ու Արցախում։ Մենք չենք պայքարում, որ իշխանություն ունենանք, մենք պայքարում ենք, որ հայրենիք ունենանք, մենք չենք պայքարում, որ վարչապետ լինենք, մենք պայքարում ենք, որ Հայաստանը վարչապետ ունենա»,- Ֆրանսիայի հրապարակում անցկացվող հանրահավաքին ասաց «Դիմադրություն» շարժման համակարգող Իշխան Սաղաթելյանը։ ։
Վերջնական հաղթանակի ուշանալը հիասթափեցնում է հատկապես ամեն օր պայքարող մարդկանց։ Իշխան Սաղաթելյանը նշեց, որ ընդունում են իրենց հասցեին հնչող առողջ քննադատությունները, ավելացրեց, որ մեր երկրի ճակատագիրը որոշելու է այս և մյուս հրապարակներում պայքարող հայ մարդը։
«Այս պայքարը միասին սկսել ենք, միասին մինչև վերջ հասցնելու ենք հաղթական ավարտին։
Ոչ մի թղթի կտոր չի երաշխավորելու մեր անվտանգությունը, խաղաղ ու արժանապատիվ ապրելու մեր իրավունքը։ Ոչ մի դաշնակից մեր շահերը չի պաշտպանելու, եթե մենք մեր շահերը չգիտակցենք ու չգնանք մեր շահերի ետևից։
Դարեհ 1-ինն է ասել՝ հայերին հնարավոր չէ հաղթել, նրանց պետք է պառակտել։ Մեզ պառակտեցին, բայց մենք կարող ենք միավորվել, բռունցք դառնալ և տեր կանգնել մեր հայրենիքին։ Մեր պայքարն անկասելի է, հաղթանակը՝ անխուսափելի։ Միություն, պայքար, հաղթանակ»,-ելույթն ավարտեց Իշխան Սաղաթելյանը։
