«Արցախի անվտանգության և զարգացման ճակատի» հիմնադիր անդամ Արշակ Աբրահամյանը ֆեյսբուքյան իր էջում շրջափակված Արցախից տեսաուղերձ-խնդրանք է հղել Մայր Հայաստանին։
«Երբ Մայր Հայաստանից հնչում են կոչեր, որ արցախահայությունը դիմանա, իրականում դա այդպես էլ կա։ 120 հազար հայ այստեղ պայքարում է այն բանի համար, որպեսզի չհեռանա իր պապենական հողից։ Մարդիկ հերթերում սովից ուշաթափվում են, սակայն նրանց տեսակետը հստակ է. նրանք չեն պատրաստվում լքել Արցախը։
Սակայն Մայր Հայաստանում ևս պետք է հստակ գիտակցեն, որ արդեն 9 ամիս 120 հազար հայ պայքարում է իր հողից չհեռանալու համար, դուք էլ այդտեղ պետք է մի կողմ դնեք բոլոր տարաձայնությունները և փորձեք կանգնեցնել այն մահաբեր ալիքը, որ գալիս է դեպի Արցախ։
Այս պօահին 120 հազար հայ պայքարում է իր առողջության և կյանքի գնով՝ հանուն Արցախի՝ հայկական մնալու, սակայն բոլորիս գլխին կախված է ցեղասպանության վտանգը։
Ես խնդրում եմ, որպեսզի Հայաստանում գործնական և տեսանելի անհնազանդության ալիք բարձրացվի առ այն, որ ՀՀ ներկա վարչախումբը փորձում է Արցախը հանձռնել Ադրբեջանին»,- ասված է Արշակ Աբրահամյանի տեսաուղերձում։
