Ստորագրվել է Հայաստանի Հանրապետության և Թուրքիայի Հանրապետության սահմանին տեղակայված պատմական Անիի (Մետաքսի ճանապարհի) կամրջի համատեղ վերականգնման աշխատանքների իրականացման արձանագրությունը. տեղեկությունը հրապարակվել է Փաշինյանի սոցցանցի էջում:
ՀՀ-ն ու Թուրքիան ստորագրեցին Անիի կամրջի վերականգնման մասին արձանագրությունը։
Երևանն ու Անկարան Անիի կամուրջը «վերականգնում են» առնվազն 2023 թ․ փետրվարից։
2023 թ․ փետրվարին Նիկոլ Փաշինյանը հայտարարել էր, որ Անիի կամրջի էսքիզային նախագիծը դեռ բավականին երկար ժամանակ առաջ պատրաստ է եղել։
Հետո ԱԳՆ-ն ասել է, որ մշակվում է Անիի կամրջի էսքիզային տարբերակը։
2023 թ․ մայիսին հայտարարվել է, որ ՀՀ կրթության, գիտության, մշակույթի և սպորտի նախարարությունը չի տիրապետում տեղեկատվության թուրքական կողմի իրականացրած միջոցառումների վերաբերյալ։
2023 թ․ օգոստոսին հայտարարվել է, որ ՀՀ կրթության, գիտության, մշակույթի և սպորտի նախարարությունը թուրքական կողմի հետ բանակցություններ չի տանում։
2024 թ․ սեպտեմբերին ՀՀ-ն Թուրքիային է փոխանցել Անիի կամրջի վերականգման նախագծի հայկական տարբերակը։
