Մարդու իրավունքների պաշտպանության հանձնաժողովի արտահերթ նիստին, որքան էլ քպ-ականները պահանջեցին, որ ընդդիմության ՄԻՊ թեկնածու Էդգար Ղազարյանն իր ելույթում որակումներ չտա հեղափոխությանը և հեղափոխություն իրականացրած իշխանությանը, միևնույն է, Էդգար Ղազարյանը համառորեն ներկայացրեց իր կարծիքը՝ 2018 թվականին Հայաստանում իրականացվել է հեղափոխություն ադրբեջանաթուրքական շահառուների ջանքերով։
Իշխանական պատգամավորների շրջանում կրքերը բորբոքվեցին։ Արթուր Հովհաննիսյանը մի քանի անգամ գոռալով կրկնեց՝ լեզուն կկտրեմ, ականջները կկտրեմ նրա, ով ժողովրդի ընտրությանն անուն կդնի։
Էդգար Ղազարյանը, ըստ նախատեսվածի, պետք է ներկայացներ ՀՀ ՄԻՊ-ի իր տեսլականը։ Իշխանական պատգամավորները որոշեցին բոյկոտել ու ներկա չգտնվել Ղազարյանի ելույթին։
Նրանք միասնաբար դուրս եկան նիստերի դահլիճից։
Էդգար Ղազարյանը հայտարարեց՝ սա ձեռբերում է։ Ինձ հաջողվեց ընդամենը 20 րոպեում ԱԺ-ից արտաքսել քպ-ական պատգամավորներին։ Հայաստանում իշխանությունը պետք է պատկանի ժողովրդին։
