Իսրայելի ռազմաօդային ուժերը նոր հարվածների շարք են հասցրել հարավային Լիբանանի թիրախներին՝ սպառնալով հրադադարի ռեժիմը կայունացնելու միջազգային ջանքերին, հաղորդում է IRNA-ն՝ հղում անելով լիբանանյան աղբյուրներին։
Ըստ ստացված հաղորդագրությունների՝ Նաբաթիե ալ-Ֆաուքա գյուղի ծայրամասերը ենթարկվել են իսրայելական օդային հարվածների: Տեղացի դիտորդները նշում են, որ Թել Ավիվի այս գործողությունները կտրուկ սրում են արդեն իսկ փխրուն իրավիճակը և մեծացնում լիբանանյան ճակատում լայնածավալ ռազմական գործողությունների վերսկսման մտավախությունները: Այս պահին զոհերի կամ վնասի չափի մասին հաղորդագրություններ չկան:
