Հայաստանը չի կատարել 44 օր պատերազմից հետո ստորագրված 2020 թվականի նոյեմբերի 10-ի հայտարարությունից բխող պարտավորությունները. ԵԱՀԿ Խորհրդարանական վեհաժողովի նախագահ Պիա Կաումային ընդունելով՝ բողոքել է Ալիևը։
«Հայաստանը ոչ միայն դուրս չբերեց իր զինված ուժերը Ղարաբաղից, այլև նույնիսկ միտումնավոր օգտագործեց այդ տարածքը ռազմական տեխնիկա, զինված ուժերի անձնակազմ և ականներ տեղափոխելու համար։ Հայաստանը նաև չի կատարել իր պարտավորությունները՝ կապ ստեղծելու Արևելյան Զանգեզուրի և Նախիջևանի միջև»,- զրպարտելով, ստելով ու Հայաստանի հասցեին կեղծ մեղադրանքներ հնչեցնելով՝ շարունակել է բողոքել Բաքվի բռնապետը։
