Ձախողումներն ուրիշ երկրում կբերեին նրան, որ կառավարող ուժը կհեռանար՝ ներողություն խնդրելով և ասելով , որ չկարողացավ անհրաժեշտն անել։ ՔՊ-ն ու Նիկոլ Փաշինյանը որոշեցին, որ պետք է մնան ու դիրքերն ավելի ամրապնդեն, Քաղաքական հալածյալների իրավունքների հարցերով հանձնաժողովի ասուլիսի ժամանակ ասաց իրավապաշտպաննև քաղաքագետ Մայա Բարխուդարյանը։
«Ու ոնց են դա անում. մի կողմից ժողովրդին տալով հաց ու զվարճանք, խորոված ու փրփուր փարթիներ, մյուս կողմից ավելի են ագրեսիվացրել իրենց վարքը՝ կստակացնենք, պատերին կծեփենք, ասֆալտին կփռենք։ Բոլոր ՔՊ-ականները, ֆեյքերը դա կրկնում են, և դա դառնում է մթնոլորտ, որտեղ մարդիկ վախենում են ինչ-որ բան ասել։
Մյուս թրենդն անձի պաշտանմունքն է՝ Նիկոլ Փաշինյանն ամենից լավ գիտի, նա ճիշտ է՝ բոլորը սխալ են, նա սպիտակ է՝ բոլորը՝ սև։ Եվ ստացվում է, որ միայն Փաշինյանը գիտի՝ ինչպես անել։ Նա ասում է՝ էս երկրում միայն մի մարդ կա, որը պետք է զբաղվի արտաքին քաղաքականությամբ, և դա ես եմ, և հանում է Ցեղասպանության ինստիտուտի տնօրենին, երբ ասում է՝ Հայաստանում կա՞ մի դատավոր, որ իմ ասածները կարող է չանել… սա խոսում է այն մասին, որ մենք գտնվում ենք բռնատիրական պետությունում»,- ամփոփեց բանախոսը։
