Եթե քրեական գործ չհարուցվի, «թքելն» ու «միջնամատելը» լեգիտիմացվում են

Փաստաբան Վարազդատ Հարությունյանն անդրադարձել է ԱԺ նախագահ Ալեն Սիմոնյանի մոր պահվածքին։ Նա իր բնակարանի պատշգամբից թքել է ցուցարարների վրա և միջնամատ ցույց տվել։
Փաստաբանը ֆեյսբուքյան իր էջում գրում է․
Գոռ Աբրահամյան, այս կինն այսօր թքել և միջնամատ է ցույց տվել ցուցարարներին (տեսանյութերը հեղեղել են համացանցը):
Ակնկալում եմ ՀՀ քրեական օրենսգրքի 137.1 հոդվածով նախատեսված արարքի հատկանիշների պարզման այնպիսի նախաձեռնողական ու ջանասեր գործընթաց, որը դրսևորվում է ընդդիմադիր գործիչների այս կամ այն խիստ քաղաքական գնահատողական արտահայտությունների դեպքում:
Լրացում: Ակնարկն էլ նրանում է, որ եթե քրեական գործ չհարուցվեց ու քրեական պատասխանատվության չենթարկվեց ենթադրյալ հանցագործը, ապա մարդու վրա «Թքելն» ու «միջնամատելը» լեգիտիմացվում են` իրենց նուրբ ու մասսայական հետևանքներով: