Եթե բարձրացնենք Ադրբեջանի սահմանադրության փոփոխության հարցը, դա կհակասի մեր դիրքորոշումներին. Փաշինյան
Եթե մենք բարձրացնենք Ադրբեջանի սահմանադրության փոփոխության հարցը, դա կհակասի մեր դիրքորոշումներին, լրագրողների հետ զրույցում այսօր հայտարարեց ՀՀ վարչապետ Նիկոլ Փաշինյանը։
«Մենք հայտնեցինք մեր դիրքորոշումը Սահմանադրության վերաբերյալ և որևէ փոփոխության մասին չհայտարարեցինք։ Այս դիրքորոշումները չեն փոխվել։
Լուծումն այն է, որ արդեն նախաստորագրված խաղաղության համաձայնագրի տեքստով այդ հարցը դե յուրե, ամբողջությամբ և բազմակողմանիորեն լուծված է։
Ինչ վերաբերում է Սահմանադրությանը, ապա մենք սահմանադրական փոփոխությունների թեմա չունենք արտաքին քաղաքական օրակարգի ոչ մի ուղղությամբ։ Մենք ունենք ներքին օրակարգ՝ կապված Սահմանադրության հետ և «Քաղաքացիական պայմանագիր» կուսակցության VII համագումարում ընդունված հռչակագրում դա հստակ նշված է», – նշեց Փաշինյանը։
