Կառավարության նիստից հետո լրագրողների հետ զրույցում նման կարծիք հայտնեց արդարադատության նախարար Կարեն Անդրեասյանը։
«Կարգապահական պատասխանատվության ենթարկելն արդար է, ճիշտ է և օրինական։ Կարծում եմ, որ կարգապահական վարույթները նույնիսկ քիչ են եղել։ Սակայն, մյուս կողմից, նախկին նախարար Ռուստամ Բադասյանի շնորհիվ այս աստիճանական զտումը դատական համակարգի սկսվել է»,–ասաց Անդրեասյանը։
Նա նշեց նաև, որ վաղը հանդիպելու է ՀԿ–ների ներկայացուցիչների, արդեն իսկ հանդիպել է ԲԴԽ ներկայացուցիչների հետ և հիմա քննարկումներ են գնում, որպեսզի ստանան ամենաարդար և լավ մոդելը վատ դատավորներին համակարգից դուրս մղելու։ Նախարարի խոսքով` այն, որ դատական համակարգը կարիք ունի նման ֆիլտրացիայի, բոլորն են ասում և նույնիսկ նրանք, որոնք բողոքում են ինչ–ինչ կարգավորումներից։
