Տիբեթյան ժողովրդի հոգեւոր առաջնորդ Դալայ Լաման 86 տարեկան դառնալու հաջորդ օրը բժիշկներին ասել է, որ ցանկանում է մինչեւ առնվազն 110 տարեկան ապրել, գրում է «ՌԻԱ Նովոստին»:
«Ըստ իմ երազների, ինչպես նաեւ իմ կանխատեսումների՝ իմ կյանքը կտեւի մինչեւ 110 տարեկան, որոշ կանխատեսումներով՝ նույնիսկ մինչեւ 113 տարեկան… Շատերի հարգանքի անկեղծ արտահայտության եւ ընկերական զգացմունքների շնորհիվ ես լցվում եմ առնվազն մինչեւ 110 տարեկան ապրելու վճռականությամբ»,- հնդիկ բժիշկների եւ դեղագործների հետ առցանց հանդիպման ժամանակ ասել է Դալայ Լաման:
«Ես ուզում եմ խորին երախտագիտությունս հայտնել իմ բոլոր ընկերներին, ովքեր իսկապես իմ հանդեպ սեր, հարգանք եւ վստահություն են ցուցաբերել»,- ասվում է Դալայ Լամայի տեսաուղերձում:
Հնդկաստանի վարչապետ Նարենդրա Մոդին իր Twitter-ում շնորհավորել է Դալայ Լամային եւ ասել է, որ նաեւ հեռախոսով է խոսել նրա հետ: 2014-ին վարչապետ դառնալուց հետո սա առաջին դեպքն է, երբ Մոդին հրապարակայնորեն հաստատում է Դալայ Լամայի հետ իր զրույցը:
News.am
