Բարձր աշխատավարձ ստացող քաղաքացիների ճնշող մեծամասնությունը մրցունակ կրթություն ունի։ Այս մասին ԱԺ-ում 2024 թվականի պետական բյուջեի կատարման տարեկան հաշվետվությունը ներկայացնելիս ասաց վարչապետ Նիկոլ Փաշինյանը:
Նրա խոսքով՝ 80-90 տոկոս դեպքերում բարձր աշխատավարձ են ստանում նրանք, ովքեր ունեն մրցունակ կրթություն։
«Ցածր աշխատավարձ հիմնականում ստանում են նրանք, ովքեր չունեն մրցունակ կրթություն»,- ասել է Փաշինյանը։
Նա ընդգծեց կրթության ոլորտում իրականացվող բարեփոխումների կարևորությունը։
«Պետք է դպրոցական երեխաներին ասենք՝ սիրելի երեխաներ, լավ սովորեք, որ լավ ապրեք։ Սա, իհարկե, կարող է ընկալվել որպես ևս մեկ հնչեղ հայտարարություն, բայց իմ դիտարկումները ցույց են տալիս, որ կրթության մրցունակության և աշխատաշուկայում մարդկանց աշխատավարձի միջև կա ուղիղ կապ»,- ասաց Փաշինյանը։
