Արցախի ՊԲ-ն ենթարկվում էր ՀՀ-ին մինչև վերջին օրը: Ես նմանատիպ նամակներ ունեմ գրած, որ ենթարկեցնեն Արցախին։ Այս մասին 24 news-ին տված հարցազրույցում հայտարարել է Արցախի անվտանգության խորհրդի նախկին քարտուղար Սամվել Բաբայանը։
«Չեմ կարողանում շատ բան ասեմ, բայց կասեմ, որ Արցախի ՊԲ-ն ուղիղ ենթարկվում էր ՀՀ-ին, որը սխալ էր, որի մասին էլ գրավոր ներկայացված է»,-ասել է նա։ Այն հարցին, թե ինչպես ստացվեց, որ մեկ օրում որոշվեց, որ ամբողջ զենք-զինամթերքը պետք է հանձնվի Ադրբեջանին, Բաբայանը պատասխանեց, որ հարցը ուղղեն Հայաստանի Պաշտպանության նախարարին և հրամանատարին։
«Մենք ամեն ինչ արել ենք, որ մնանք Արցախում, բայց ՀՀ իշխանությունը մատը մատին չի խփել, որ մենք մնանք այնտեղ՝ ասելով որ դա մեր ներքին գործն է, և որ իրենք չեն խառնվում դրան։ Եկեք դրա մասին չխոսենք, բայց եկեք վերջ տանք հատվածային իրար վրա մեղք գցելով, մեղավորը բոլորս ենք: Սամվել Շահրամանյանի նկատմամբ դժգոհությունն արդարացի է այնքանով, ինչքանով որ իրանք գիտակցելով, որ այդ փոփոխությունը պատճառ է հանդիսանալու Ադրբեջանի ոտնձգությանը, գնացել են այդ քայլին»,- ասել է նա։
