Արցախի նախագահը վաղը հրավիրվել է հարցաքննության. փաստաբան

Այսօրվա դատական նիստից և լրագրողների հետ ճեպազրույցից րոպեներ հետո Արցախի նախագահը հրավիրվել է քննչական կոմիտե՝ Բագրատ Գալստանյանի գործով հարցաքննվելու նպատակով։ Այս մասին ֆեյսբուքյան էջում գրել է փաստաբան Ռոման Երիցյանը։

Նա նշել է, որ հարցաքննությունը վաղն է։

Թե ինչ կապ ունի Արցախի նախագահը Գալստանյանի և գործով անցնող մյուս ամբաստանյալների, նրանց առաջադրված մեղադրանքի հետ, այս պահին մանրամասներ չկան։

Հիշեցնենք՝ այսօր Երևանի ընդհանուր իրավասության դատարանում մեկնարկեց Շահրամանյանի հայցն ընդդեմ ԿԳՄՍ նախարարության և «Հայաստանի պատմություն» դասագրքի համահեղինակ Նժդեհ Հովսեփյանի գործով դատական նիստը։