Աննա Հակոբյանն այսօր հրավիրված ասուլիսի ժամանակ հայտարարեց՝ նվաստացած է զգում, երբ իրեն համարում են «նոր Հայաստանի Սաշիկ»։
Նման հայտարարություն նա արեց ի պատասխան լրագրողի այն դիտարկման, որ գործարարներն առաջ «Սաշիկին էին մուծվում, հիմա՝ Աննային»։
«Ասում են՝ Աննա Հակոբյանը մերօրյա Սաշիկն է դարձել»,- նշեց լրագրողը։
Ի պատասխան՝ Փաշինյանի կինն ասաց, որ այս հարցը հարված էր իր արժանապատվությանը։
«Իմ ներկայությամբ այդ հարցը հնչեցնելն ուղղակի ոտնահարում է իմ արժանապատվությունը, ես ինձ զգում եմ նվաստացած։ Այս հարցը նվաստացնում է իմ ինքնասիրությունը, և ես հարկ չեմ համարում պատասխանել այդ հարցին»,- նշեց Հակոբյանը։
