Միացյալ Նահանգները հարվածել է Չինաստան-Թուրքմենստան-Իրան երկաթուղային միջանցքի Աքկալա կամրջին. տեղեկատվությունը տարածել է Fars գործակալությունը։
Գործակալության տվյալներով՝ այսօր առավոտյան, Իրանի հյուսիսում գտնվող Գյուլուստան նահանգի Աքկալա քաղաքի վրա հարձակման ժամանակ, Միացյալ Նահանգները հարվածել է Չինաստան-Ղազախստան-Թուրքմենստան-Ինջեբուրուն միջազգային միջանցքում գտնվող կամրջին։
Երթուղին Չինաստանի «Մեկ գոտի, մեկ ճանապարհ» նախաձեռնության մաս է կազմում և ձգվում է չինական Սիան քաղաքից մինչև Թեհրան։
Նշվում է, որ անցյալ տարի Չինաստանից Իրան է հասել առնվազն 65 բեռնատար գնացք։ Գործակալության տվյալներով՝ Թրամփի վարչակազմի կողմից իրանական նավահանգիստների վրա սահմանափակումներից հետո, այս երթուղով երթևեկող գնացքների թիվը եռապատկվել է, հաղորդում են արտասահմանյան լրատվամիջոցները։
«Ֆարս» լրատվական գործակալությունը որպես կարևորագույն կետ նշել է այն փաստը, որ անցյալ տարվա նոյեմբերից ի վեր Ռուսաստանը նույնպես սկսել է իր բեռները Իրան ուղարկել հենց այս երկաթուղային երթուղով։ Այդ պատճառով որոշ փորձագետներ հարձակումը գնահատում են որպես ավելի լայն հետևանքներ ունեցող քայլ, քան պարզապես ռազմական հարված։
