ԱՄՆ աջակցությունը կհեշտացնի ռուս սահմանապահների դուրսբերումը հայ-թուրքական և հայ-իրանական սահմաններից. փոխարտգործնախարար
Հայաստանի սահմանային կարողությունների ամրապնդմանն ուղղված ԱՄՆ աջակցությունը կհեշտացնի ռուս սահմանապահների դուրսբերումը հայ-թուրքական և հայ-իրանական սահմաններից. ասել է Հայաստանի արտաքին գործերի փոխնախարար Պարույր Հովհաննիսյանը՝ պատասխանելով «Ազատություն» ռադիոկայանի հայկական ծառայության հարցին։
«Սա միշտ արվել է երրորդ երկրի կողմից, ի վերջո մենք պետք է դա անենք։ Յուրաքանչյուր երկիր պետք է վերահսկի իր սահմանները»,- ասել է փոխարտգործնախարարը։
Այս տարվա հունվարի 1-ին ռուս սահմանապահները դուրս են բերվել հայ-իրանական սահմանի անցակետերից։
Իսկ ավելի վաղ՝ օգոստոսի 1-ին, Ռուսաստանի ԱԴԾ սահմանային ծառայությունը հայկական կողմին փոխանցեց Երևանի Զվարթնոց անցակետում պետական սահմանի պահպանության գործառույթը։
