Ես բարոյական իրավունք չունեմ իմ կարծիքը փաթաթելու այլոց վրա, կան կառավարման մոդելներ, որոնց արդյունքները ցույց են տալիս, որ 80% հավանականություն կա, որ Հայաստանում մոտակա 5 տարում, ցանկացած ընտրություն բերելու է ողբերգական դեպքերի և ընդհուպ արյունահեղության։ Այս մասին «Փաստինֆո»-ի եթերում ասել է կառավարման փորձագետ, ՀԽ նախկին անդամ Հարություն Մեսրոբյանը` հավելելով, որ մեզ մոտ չկան պետական գործիչներ, բոլորը ուրախ ուրախ գնում են ընտրությունների։
Փորձագետի դիտարկմամբ` հասարակական այդ ներքին պայթյունով լցված վիճակն ակնհայտ դրսևորվեց Սյունիքի մարզ Փաշինյանի կատարած այցի ժամանակ:
«Բնակչության մի մասը շոկի մեջ է, զգալի մասի «տամարը տարած». շիկացած վիճակ, ցասում, վիշտ և այլն, և այս ոչ ադեկվատ ֆոնին մենք ուզում ենք ընտրությո՞ւն անել,- նշել է Մեսրոբյանը և ավելացրել,– Մենք ուզում ենք լավ ապրել, բայց ոչ միայն ոչինչ չենք անում դրա համար, այլ հակառակը, ամեն ինչ անում ենք, որ ոչնչանանք, ու մինչև Երևանի կաֆեում վեր ընկածի դուռը չչոքի թուրքը նա չի հասկանա սա»։
