Հայաստանը շարունակում է գտնվել բարձր տնտեսական աճի գոտում. հուլիսի 25-ի ասուլիսը վարչապետ Փաշինյանը սկսեց Հայաստանի Հանրապետության սոցիալ-տնտեսական «ձեռքբերումներից»։
Հունիսին Հայաստանում 719.224 աշխատատեղ է գրանցվել։ 2023 թվականի հունիսին, անցյալ տարվա նույն ժամանակահատվածի համեմատ, միջին աշխատավարձը բարձրացել է ավելի քան 17 տոկոսով. հայտարարեց Փաշինյանը։
Այնուհետև Փաշինյանն ընթացավ հարցուպատասխանի ձևաչափով։
ԼՂ-ն պետք է բանակցությունների կողմ լինի, Հայաստանը չի կարող դա անել։ Բաքու-Ստեփանակերտ երկխոսության ֆորմատով՝ միջազգային մեխանիզմերի առկայությամբ պետք է ընթանան բանակցությունները. նորից պնդեց Փաշինյանը։
Արդյո՞ք խաղաղության պայմանագրում պետք է անդրադարձ լինի Լեռնային Ղարաբաղին, թե դա այլ տրամաբանության մեջ պետք է լինի. սա դեռ որոշվում է. հայտնեց նա։
Ինչ վերաբերում է միջազգային հանրության՝ Լաչինի միջանցքը բացելու ջանքերին, նա հայտարարեց, որ ջանքերը բավարար չեն։
«Լաչինի միջանցքի հարցը քննարկելու մանդատ ունեմ, որովհետև դա ներառվում է նոյեմբերի 9-ի փաստաթղթում, որը ես եմ ստորագրել։ Ակնա-Ստեփանակերտ ճանապարհով արցախահայությանը օգնություն տրամադրելու հարց բանակցությունների ժամանակ չեմ քննարկել, որովհետև դրա մանդատը ես չունեմ։
Հայաստանի արտգործնախարարից, Մոսկվայում այսօր կայանալիք հանդիպումից ակնկալիք ունեմ՝ խաղաղության պայմանագրի որոշ կետերի հարցում համաձայնության գալու և Լաչինի միջանցքի բացման խնդրի շուրջ»,-ասաց Փաշինյանը։
