Ալիևը ՀՀ-ին որակում է պարտված զավթիչ, բարբարոս և պատերազմական հանցագործ. Գ. Գևորգյան

«Ազգային ճակատ» հայրենասիրական  կազմակերպության հիմնադիր նախագահ, ռազմական գործիչ Գևորգ Գևորգյանը գրում է. «ՄԱԿ-ի գլխավոր ասամբլեայում, բարձր ամբիոնից ալիևը ցուցադրեց առավելագույն ագրեսիա, հստակ ընդգծելով, որ այլևս Հարավային Կովկասում իրենք են դերակատարում և իրավիճակ փոխողները։ 44-օրյա պատերազմի ընթացքում ահաբեկչական ուժերի, վարձկանների վրա հիմնված օկուպանտ պետության ղեկավարը Հայաստանին որակում է պարտված զավթիչ, բարբարոս և պատերազմական հանցագործ։ Եվ այս խայտառակությանը, շարունակական նվաստացումներին պետական մակարդակով ոչ միայն պատասխան չի տրվում, այլև ադրբեջանասեր, թուրքասեր դրածոն լծված է ագրեսոր թշնամուն սիրաշահելով և հանուն սեփական իշխանության «խաղաղության» համաձայնագրի կնքման ճանապարհներ փնտրելով: Հատվում են բոլոր ճանապարհները: ԿԱՄ ՄԵ´ՆՔ կամ պրոթուրքիզմը»։