Ադրբեջանի օմբուդսմեն Սաբինա Ալիևան այցելել է Բաքվի բանտում պահվող Արցախի ռազմաքաղաքական ղեկավարներին. հայտնել է ադրբեջանական APA գործակալությունը:
Ալիևան հանդիպել է Արայիկ Հարությունյանի, Ռուբեն Վարդանյանի, Բակո Սահակյանի, Դավիթ Բաբայանի, Արկադի Ղուկասյանի և մյուսների հետ. Գրում է ադրբեջանական լրատվամիջոցը։
Ադրբեջանի ՄԻՊ-ը հայտարարել է, թե իբր թե գերիների հետ ամեն ինչ նորմալ է, նրանց մարդկայնորեն են վերաբերվել, չեն ենթարկվել խտրականության կամ դաժան վերաբերմունքի։
Սաբինա Ալիևան հրապարակել է լուսանկարներ։ Նա այցելել է հայ գերիներին այն բանից հետո, երբ հայկական լրատվամիջոցներն ապացույցներ բերեցեին հենց ադրբեջանական լրատվամիջոցների տարածած լուսանկարներից՝ Ռուբեն Վարդանյանի դեմքի տարբեր հատվածներում ու հատկապես ճակատին կապտուկներ կան։ Տարբեր իրավապաշտպաններ այդ առնչությամբ հայտարարեցին, որ Ռուբեն Վարդանյանի գլխին երկաթե օղակ են հագցրել ու տանջել։ Նույն լուսանկարներում երևում է, որ Արցախի Հանրապետության նախկին նախագահ Բակո Սահակյանի ատամների մի մասը չկա։
