Եվրոպական քաղաքական համայնքի 8-րդ գագաթնաժողովը կկայանա մայիսի 4-ին Երևանում։ Ադրբեջանի արտաքին գործերի նախարար Ջեյհուն Բայրամովը մեկնաբանել է նախագահ Իլհամ Ալիևի հնարավոր մասնակցությունը Հայաստանում կայանալիք Եվրոպական քաղաքական համայնքի գագաթնաժողովին։
«Իմ ունեցած տեղեկությունների համաձայն՝ Ադրբեջանի նախագահի մասնակցություն Եվրոպական քաղաքական համայնքի գագաթնաժողովին, որը տեղի կունենա մայիսին Հայաստանում, չի նախատեսվում։ Այս ձևաչափով ներկայացուցչությունն իրականացվում է բացառապես պետությունների ղեկավարների մակարդակով, ինչը համապատասխանում է դրա սկզբնական հայեցակարգին։ Որքանով ես գիտեմ, նախագահ Իլհամ Ալիևի մայիսին Հայաստան այցը նախատեսված չէ», – հայտարարել է արտգործնախարարը։
