«Բաղանիս-Այրումում տեղի ունեցած ցեղասպանության դրվագով հետախուզման մեջ են հայտնվել 18 անձինք, ովքեր հանցանք են գործել խաղաղության և մարդկության դեմ»,- ադրբեջանական APA-ն է տարածել երկրի զինվորական դատախազության հայտարարությունը։
Ադրբեջանը մեղադրանք է ներկայացնում հայկական կողմին, իբր 1990-ականներին Բաղանիսում 10 մարդ է առանձնակի դաժանությամբ սպանվել, որոնց թվում՝ երեխա ու կանայք, տուն է հրկիզվել, գյուղից 400-ից ավել բնակիչներ են տեղահանվել։
«18 հայի նկատմամբ խափանման միջոց է ընտրվել կալանքը, նրանց հետախուզումն ապահովելու համար փաստաթղթերն ուղարկվել են Ադրբեջանի Ինտերպոլի ազգային բյուրո և Ադրբեջանի ՆԳՆ Քրեական հետախուզության գլխավոր վարչություն: Ներկա պահին Ադրբեջանի գլխավոր դատախազը շարունակվում է օպերատիվ-հետախուզական համապարփակ միջոցառումները. խաղաղության և մարդկության դեմ հանցագործությունները անպայման կպատժվեն»,- ասվում է հաղորդագրության մեջ։
Ակնհայտ է, որ ադրբեջանական կողմն այս կեղծ մեղադրանքը պատրաստել է, որովհետև Ոսկեպար և Բաղանիս գյուղի բնակիչները պայքարում են Տավուշի 4 գյուղերը հանձնելու դեմ, նրանք հաստատակամորեն վճռել են գյուղերը չլքել։
