Արդարադատության նորանշանակ նախարար Սրբուհի Գալյանը համաձայն չէ այն տեսակետի հետ, որ ՀՀ գլխավոր դատախազ Աննա Վարդապետյանը պրոֆեսիոնալների հետ աշխատելու խնդիր ունի։
«Իհարկե, ո՛չ։ Եվ կխնդրեմ այսուհետ ինձ տալ արդարադատության ոլորտի քաղաքականությանը վերաբերող հարցեր»,-լրագրողների հարցադրմանն այսպես արձագանքեց նա։
Անդրադառնալով նախկին դատավոր Արուսյակ Ալեքսանյանի հետ հարաբերություններին՝ Գալյանն ասաց, որ բանտարկության ժամանակ նրան չի այցելել, իրենք նախկին գործընկերներ են եղել։
«Ընկերներ ենք եղել։ Նրա կալանավորմանը գնահատական տալ չեմ կարող, քանի որ էթիկայի նորմերից դուրս է։ Որևէ մանրամասնի, որեւէ տվյալի չեմ տիրապետում։ Կարծում եմ՝ պաշտոնից բխող էթիկան ավելի բարձր է, և դա պետք է մշտապես պահվի»,-ասաց նա՝ հավելելով, որ չի հետեւել դատավարությանը:
